Перейти к основному содержанию

Ингье яшар кьудкъад йисав агакьна

Ингье яшар кьудкъад йисав агакьна,
Гужуналди цIил чIугвадай тегьерда,
Са кьадар кьван кхьинариз алакьна,
Ктабарни авачиз туш бегьерда.
Фейи уьмуьр ийизва за тупIалай:
Гъил яргъийиз алахънач зун девлетриз.
Азгъунвална алахьнач гъуьр  кIатIалай,
Гьич садрани рехъ ганач за къелетриз.
Виридалай чIехи девлет кIватIна за -
Захъ жув хьтин дустар хьана кIани  кьван.
Герек тирла нефсиникай кьатIна за,
Хъсанвализ алахъна зун жери  кьван.
Диндихъ галаз хьаначтIани алакъа,
Аллагь садран акъуднач за рикIяй зи,
Диндин рекье дуьаярна гьар йикъа,
Мусурман яз акъатнач зун рекьяй зи.
Къундармаяр кхьенач за, алакьиз,
Игит ксар машгьурна за Ватандин.
Дуьзгуьнвал хуьз хьана даим  алахъиз,
Уьзягъвална вилик жуван виждандин.
Фида вири дуьньядилай ктIана:
Етим-есир чIар тагъай гьич фириди,
Пачагьарни, къизилрив кIатI ацIана.
Кьве юкI хун я гьардаз кьисмет жериди.
“Хъсанвала”, - тербет гана нефсиниз,
“Рагьмет хьурай” къазанмиша  халкьдивай.
КIани затIар гзаф жеда кефиниз,
Нефс хуьх жуван кIанивилин селдивай.
Инсанвал хуьз вердишна за килфетар,
Намуслу яз гьалалдин фу тIуьн  патал,
Чирвал, зегьмет тирди чIехи девлетар
Халкьдин патай лайих гьуьрмет  гуьн патал.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.