Перейти к основному содержанию

Алай девирдиз

Гъиле кьуна еке бафа,
Инжихана чIугур жафа
Гьиниз фена, тир вич сафа?
Амукьайди тIвар хьана хьи.
Гамишди хьиз акIуриз мет,
А Гьасана чIугур зегьмет…
Чи уьлкведин мални девлет
Тарашун муд кар хьана хьи.
РикIе аваз шахси-гъараз,
Халкьдин девлет тухуз патаз,
Гьекьедин ял гьич такурдаз
Фабрик, заводар хьана хьи.
Виш гектарралд кьуна чилер,
ЯтIан(и) пата ава вилер.
Кал хуьз тежез туна эллер,
Нефес чIугваз дар хьана хьи.
Ганва лугьуз чаз “демократ”,
Пул квайдав гва еке мукIратI…
Какатайвал ийиз кьатI-кьатI,
(Сад-зегьметкеш, къад-бюрократ)
Дармансуз азар хьана хьи.
Гьатай касди гъиле гьукум,
Тавуна эхир кьил фагьум,
Акъудзава пулунай гум,
“Коррупция” тIвар хьана хьи.
XX асирдин тир ягь-намус,
КIелрай куьне Сулейман мус?!
КицIери хьиз къакъудиз кIус,
Дармансуз азар хьана хьи.
ЦIарара тваз на рикIин тIал,
Куьре Абид, гва вав вуч къал?!
Бязибурун на кхьей чIал
КIелайла рикI тIар хьана хьи!

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.