Зун кьейила шемир куьн захъ

Зун кьейила шемир куьн захъ,
Зи вилер захъ ишенава
Чизвач ам заз къвал ятIани,
Чин гьамиша кьеженава.
Зун кьейила шемир куьн захъ,
Ая гьуьрмет текьенамаз.
Диде я зун, темен хице,
Винел накьвар тевгьенамаз.
Зун кьейила шемир куьн захъ,
Ам Аллагьдин кьисмет ялда
Вири ина акунва заз,
А дуьнья заз женнет ялда.
Зун кьейила шемир куьн захъ,
Хуьх куьне куь балаяр сагъ.
Квез зун сура динж кIан ятIа,
Халкьдиз ая гьуьрметар сагъ.
Зун кьейила шемир куьн захъ,
Тух жедалди чиниз кихлиг.
Зи къайгъуяр бес хьанва мад,
Гьар сад жуван кIвализ килиг.
Зун кьейила шемир куьн захъ,
Уьмуьрда зун хьайид туш гьахъ.
И дуьньядин гъамарилай,
Валлагь, ширин я физвай накьв.
Зун кьейила шемир куьн захъ,
Багьа уьмуьр фена нагьакь.
Зи дердияр ахъайналди
Гьич са касни жедач чIалахъ.
Вегьемир зал садан кафан,
Кафанар зи гьазур я хьи.
ТIалабзава за а дуьнья,
Ина парар агъур я хьи...

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.