Шарвили

Шарвилидин чIулав чIарар
Кьуьзуь хьанач, рехи хьанач.
Шарвили - хва себеб яз чун,
Душманривай рекьиз хьанач.
Шарвили, ви гелева чун,
Гьа вун хайи хуьрева чун,
Безетмишиз ви хайи хуьр,
Югъди-йифди мелева чун.
КIелез хев ваз макан хьана,
Кьегьал тир ви тIвар хтана,
Эцигай ваз цIийи кIвализ
Агъзур ксар мугьман хьана.
Ахцегьвияр я ви арха.
Хьанач вахъ вах, я вахъ стха.
Лезгистан чи сад хьана къе,
Ваз ахъайна чIехи суфра.
Бязибуруз чир хьана гил
Шарвилидин гьерекатар.
ТIварцIел вичин атайбуруз
Къвана цавай берекатар.
Кьакьан муькъуьн кьвалун кьилел
Хайи кIвалин ухшар ама.
Чан Шарвили, вун рекьидач!
Агъзур сан вахъ яшар ава!
Багьа уьмуьр Шарвилидин
Кесиб халкьдин рекьиз гана
Сад Аллагьдин эмирдалди
КIеве хьайла на чун хвена.
Акурбуру такурбуруз
Такурбуру ахъайна чаз
А вахъ авай аламатар
Кхьиналди бес жеч чарар!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.