Перейти к основному содержанию

Гьаким Къурбан

Гьаким Къурбан

Зари ва алим Гьаким Къурбан (Акимов Къурбан Халикович) 1938-йисан 30-августдиз Докъузпара райондин Миграгь-Къазмаяр хуьре дидедиз хьана. Ада Миграгърин юкьван мектеб ва Дагъустандин университет куьтягьна, СтIал Сулейманан райондин мектебра муаллимвал ва директорвал авуна. 1964-йисалай Дагъустандин педагогикадин ахтармишунунрин институтда кIвалахзава. Ам педагогикадин илимрин кандидат, филологиядин илимрин доктор, лезги литературадин программайрин, учебникрин, хрестоматийрин автор ва "ДР-дин лайихлу муаллим" я. 1965-йисуз Гь.Къурбанан гьикаяйринни новелайрин сад лагьай ктаб "Аламат" печатдай акъатна. Гуьгьуьнин йисара кIелзавайбурув гьикаяйринни повестарин кIватIалар: "Свае", "Къацу цуьквер", "Лацу марал", "Чан алай дагълар" ва "Къуй гьамишарагъ хьурай!" агакьна. Эхирмижи йисара писателди лезги халкьдин тарихдикай романар теснифзава. Адан къелемдикай "Ракъинин мут" (1984), «Четин бахт» (1987), "Яру мяден" (1989), "Хазинадин суракьда" (1993) , "Гьай тахьай гьарай" (1994), "Ирид чин алай хуьр"(1997) ва "Къилинж Къемер" (1999) романар хкатна. Тарихдин эсер "Миграгъ-наме" (1996), куьмекчи ктаб "Лезги зарияр" (1998), «Лезгийрин милли гьикаят» (1998), "Абдулбари Магьмудов: уьмуьрдин ва яратмишунрин рехъ" (2000) ктабар кхьена. 1990-йисуз Гь.Къурбана са десте зарийрин куьмекдалди лезги писателрин сад лагьай съезд кIватIна ва анал Лезги писателрин союз тешкилна. Зари ЛПС-дин правлениядин председатель ва милли литературадин "Шарвили" газетдин редактор я. Ада 1993-йисуз Магьачкъалада гележегдин зарияр тербияламишзавай махсус мектеб "Жегьил литератор" ачухна.

Акимов Къ. Х. «Лезги зарияр»

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.