Къутункъар - Гатункъар

Гатункъар хуьр, вун гъетериз  мукьва я,
Ви яйлахар, ви чилин накьв багьа я
Кьегьал рушар, рухваяр ви пара я,
Четин тирла ви насигьат дава я.
Гатун дагълар хунча я бул цуькверин,
Гьар са тIулал экIя жеда суьруьяр.
Йифиз цавал сувар алаз гъетерин,
Хуш я рикIиз чи бубайрин ерияр.
УстIар ава гьар кIвале са пешедин,
Магьле-магьле йикъа сана мелева.
Гьалал хьурай, квез хъвайи нек дидедин,
Зегьметдалди фу гьасилдай рекьева.
Гатункъар хуьр, гележег ваз хъуьрезва,
Артух жезва йикъалай-къуз берекат.
Патавайбур хайи кIвализ хквезва,
Бубайри хьиз, ая куьне гьерекат!