Перейти к основному содержанию

“Къундармиш тавунвай агьвалатар” 

Не придуманные истории

(Таржумаяр ва таржумачидикай кьве гаф)

Лезгийрин проза вилик финик лайихлу пай кутунвай машгьур писатель Абдулбари Магьмудован бязи гьикаяйриз урус чIалалди “Не придуманные истории” (“Къундармиш тавунвай агьвалатар”) тIвар алай ктабдик кваз экуь дуьнья акунва. Ам алай йисуз Махачкъалада “Мавел” издательствода 200 экз. тираж аваз чапдай акъатна.
Малум тирвал, таржумаяр авун яратмишунрин алемда четин пешейрикай сад я, гьикI лагьайтIа са чIалай маса чIалаз элкъуьрзавай касдин хиве еке жавабдарвал гьатзава. А.Магьмудован гьикаяяр Альфия-Хавсат Мирземетовади (Гьуьсейновади) таржума авунва. Лагьана кIанда, таржумачидилай эсерар урус чIалаз элкъуьрдайла, абурун кьетIенвилер – образрин рангар, чIалан девлетлувал, художественный маса терефар хуьз алакьнава. Са гафуналди, таржумачиди лезгийрин рикI алай писателдин – Абдулбари Магьмудован яратмишунрин къуватлувал, таъсирлувал квадарнавач.
Альфия-Хавсат Ибрагьимовна 1964-йисуз Махачкъалада дидедиз хьана. Ада шегьердин 33-нумрадин юкьван школа къизилдин медалдал ва 1985-йисуз ДГУ-дин филологиядин факультет яру дипломдал акьалтIарна. Вуздилай гуьгъуьниз шегьердин 18-нумрадин юкьван школада кIвалахзавай йисара ада Тахо-Годидин тIварунихъ галай педагогикадин НИИдихъ галаз алакъаяр хуьзвай. 8 йисуз А.-Х.Мирземетовади Дагъустандин медакадемияда къецепатан уьлквейрай атанвай студентар патал кардик кутунвай урус чIалан кафедрада кIвалахна. Гьа са вахтунда ада Махачкъаладин 2-нумрадин юкьван школада лезги чIалан тарсарни гузвай. Лагьана кIанда, А.-Х.Мирземетовади, таржумайрал машгъул хьунилай гъейри, шиирарни кхьизва. Абурукай гзафбур республикадин печатдин кьилин изданийризни акъатнава. 2014-йисуз Москвада адан «Ибрагьим Гьуьсейнован драматургиядин сегьнедиз талукь интерпретация» тIвар алай ктаб чапдай акъатнава. Алай вахтунда ада Ибрагьим Гьуьсейнован яратмишунрай ахтармишунар кьиле тухун давамарзава.

Лезги газет

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.