Миграгъ Къемер

Миграгъ Къемер тахминан XV асирдин эвел кьилера яшамиш хьана. 12 Халиф – Мисридин пачагьриз гьакI лугьузвай. Ашукьрин манийрай чаз малум тирвал, Миграгъ Къемер «Мазан» лакIаб алаз машгьур шаир тир. Мазан ашукь лагьай чIал я. Миграгъ Къемер девлетлу, вичин тIвар-ван авай хзанда хана. Адан диде Къарабагъдин эрмени, бубани Миграгъви лезги тир. Къемераз араб чIалалди вичин вахтунин виниз тир дережадин чирвилер къачудай мумкинвал хьана. Ада вичи туькIуьрай эсерар араб гьарфаралди кхьидай ва бубадин саздихъ галаз вичин юлдаш рушар кIватI хьанвай чкайра,межлисра, мелера лугьудай. ЦIерид йиса авайла, Къемераз вичин тай-туьш, кесиб гада Султали кIан хьана. Бубадиз и кардикай пара хъел атана ва руш адаз гудайвал хьанач. Султалини Къемер хуьряй экъечIна, катдай меслятдал атана. И кардикай гьикI ятIани хабар хьайи кавхади, вичин мукьва са касдин квахьай мал Султалиди чуьнуьхна лагьана, ам хуьряй Яхулиз суьргуьн авуна. Бубани Къемер пабни аялар авай кавха Шихмурадаз гана. Дердери гацумарай Къемера мадни къизгъин шиирар туьткIуьриз эгечIна. Ада туькIуьрай эсерар сиверай-сивериз физ, кIел-кхьин чидай ксари чпин кIватIалра кхьиз, лезги халкьдин арада чкIана, иллаки ашукьрин (мазанрин) сиве-меце гьатна. Абурукай са кьадарбур чални агакьнава. Агъадихъ чна гузвай шиирар машгьур ашукь ва шаир Шиназ Гьезерчидивай 1961-йисуз кхьин хъувурбур я.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.