Гафунин таъсир

За ваз гайи теменар,
ГанайтIа са кIарасдиз.
КIарасдикай жедай тар,
Хкведай ам либасдиз:
Хилел пешер хъжедай,
Адал нуькIвер элкъведай.
Эхир ашкъи кьатIайла,
Шак арадиз атайла,
Лагьана за бикедиз:
“Мегер абур туькIуьнни? -
Ви пIузарар живедин,
Зи теменар ракъинин”.
...Бугъ акъатна чилерай,
Зи туьмерар вилерай
Хтурай ви, хтурай!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.