Зи лезги чlал

Зи лезги чlал, вун зи турни, къалханни,
Гадрайдахъ вун жедач мезни, кIалханни.
Зи лезги чlал, вун зи тlални, зи квални,
Течирдахъ вун авач гьич са шел-хвални.
Зи лезги чlал, вун зи духтур, дарманни,
Хиялдай кьван вакай я зун пашманни.
Зи лезги чlал, вун зи мезни, терезни,
Мад лагьайтlа, къеневай зи нефесни.
Зи лезги чlал, вун зи рикlни, зи чанни,
Кьейи чlавуз жен вакай заз лакьанни.
Зи лезги чlал, вун зи пишкеш-савкьатни,
Сад Аллагьди ганвай заз вун такьатни.
Зи лезги чlал, вун зи шадвал, зи бахтни,
Зун паталди вун пачагьдин я тахтни.
Зи лезги чlал, вун зи намус, вижданни,
Халкь сад хьунихъ чIугвазва за гьижранни.
Зи лезги чlал, вун зи ашкъи, луварни,
Тlям чидайдаз ви гафарин суварни.
Зи лезги чlал, пак муьгьуьббат заз кlани,
Вакай хьурай гьар садаз вилин нини.
Зи лезги чlал, вун зи уьмуьр, ахварни,
РикIин шадвал, зи вилерин накъварни.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.