РикIел хтана

Лугьуда хьи вахтуни кьезиларда дерт,
АкI ятIа бес вучиз зун гилани я перт?..
Гатфариз зи багъ гатуз гару гъайи серт
Инсаф авачир мекьни хар рикIел хтана.

Ярдихъ тамарзлу хьана рикI хьайила тIар,
Жеда заз гегьенш дуьнья хьанвайди хьиз дар,
Ара тагуз авахьай зи вилин накъвар -
За пак хуьзвай теспягьрин хтар рикIел хтана.

Гагь-гагь чIуру хиялар гьатзава фикирда,
Гьатта вацIун эвелни кьазва эхирдай,
За кIани ярдиз бахшай сифте шиирдин
Зи гурлу жегьилвилин цIар рикIел  хтана.

Зун - бейниван ама къе тек тар хьиз ялгъуз,
Дал гъилер хкажиз, килигиз кьакьан цавуз,
КIани ярди заз чан зи Нариман лугьуз -
Зи тIвар эвердай вахтар рикIел хтана,
Зи фад куьтягь хьайи бахтар рикIел хтана...

29.05.2015-йис