Зи дуст

Кьабул на зи саламар -
Зи чарарин хара, зи дуст.
Гьелелиг зун я саламат,
Дертлу ятIан пара, зи дуст.

Эркин рикIин пад амач захъ,
Дигин хъийир гад амач захъ,
Виликдай хьиз авахьзавай
Чар булахдин яд амач захъ.

Заз хьиз вазни багьа инсан, -
Зи лувар тир, зи тIавус къуш,
Яргъал рекьиз фена бирдан,
Элкъвена ам хкведайд туш.

Ийир-тийир хьана ама
Зун тIуб кьуна сара, зи дуст.
Накъвари заз гузвач аман,
Ша, вун хьухь заз чара, зи дуст.

30.04.2015-йис