Гена са йиф акъатна, яр -
Вун галачир йиф,
Зун пенжердив агатна, яр,
ЧIугваз ви гьайиф.
Акуна заз пIинидин тар
Юзуриз гару,
Хилел алаз гьа ваз ухшар
Тек амай кару.
КьатIана за: сефил тир ам -
Лап зун хьиз сефил,
За чIагъандай яна макьам
Ачухдай гуьгьуьл.
ЯтIани перт амукьна къуш,
Кьил аваз хура,
Белки, закай атанач хуш,
Амай бейчара.
И арада цавун пипIяй
ЭкъечIна мад рагъ,
Вичин патай гана заз пай,
Чимна зи кIвал, багъ.
Карудини, хкажна кьил,
Юзурна лувар,
Ракъини зи дертна кьезил,
Са гъвечIи сувар
Вахтуналди къурмишна заз,
Атана язух.
Мурадри лув гана яргъаз
Амай ярумчух...
4.05.2015-йис
Рубрика
Добавить комментарий