Заз зи аран-дагъ акурла

Заз зи аран-дагъ акурла,
Бегьерлу ник, багъ акурла,
Даим кьилел рагъ акурла,
Гьакъикъат я, туш им ахвар,
Женнетдиз я зи чил ухшар!
Лезгинкадин кьуьл акурла,
Самурдин там, гьуьл акурла,
Къацу яйлах, чуьл акурла,
Тух жеч вилер, туш зи махар,
Женнетдиз я зи чил ухшар!
Лезги мехъер, мел акурла,
Лезги рушан пел акурла,
Самур вацIун сел акурла,
Гъейридазни жеда хабар,
Женнетдиз я зи чил ухшар!
Инсанвилин тIул акурла,
Лезгидин кIвал, къул акурла,
Гьар са емиш бул акурла,
Лезгистандин магьшур я тIвар,
Женнетдиз я зи чил ухшар!
Къемер Муграгь - гьал акурла,
Эминан дерт-тIал акурла,
Сулейманан чIал акурла,
Шииратда авай фонарь,
Женнетдиз я зи чил ухшар!
Лезги чилин ад акурла,
Эгьли, жегьил шад акурла,
Гьар са нямет - дад акурла,
Авай тарих, еке яшар,
Женнетдиз я зи чил ухшар!..

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.