Галайди я

( Са бейниванди )

Куьн суфрадихъ шад межлисдин  галайла,
Гуьгьуьларни ачухдаказ авайла,
Бейхабардиз зун куь патав атайла,
Регъуь жемир, цуз ички заз, гадаяр,
Галайди я, чир хьухь, захъни аялар.
Кар-пешедик квачиз кимел атайбур,
Ичкидин дерт аваз, язух рахайбур,
Хизандикай, кIваликай вил  атIайбур,
Ша ички хъван, ацIура куь бакалар,
Галайди я, чир хьухь, захъни аялар.
Папа кIвале гъуьнтI гуз, кьил тIа авурла,
Веледдини ваз яб тагуз акурла,
Вун саймишдай кас магьледа такурла,
Хъухъ бул ички, квахьда дерт-гъам, хиялар,
Галайди я, чир хьухь, захъни аялар.
Са бейниван авач ви гьал чидайди,
МинетайтIан баллон чехир гъидайди.
Ви хъуьчIуькай кьуна, валлагь, фидайди,
ГьакI хьайила, цуз зазни на пиялар,
Галайди я, чир хьухь, захъни  аялар...

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.