Диде фена ахвариз

Кьеб юзуриз дидеди,
Йифди ахвар тавуна.
ГъвечIи вахан, чи кIани,
Вахт акъатна такуна.
Дагъдихъай рагъ акъатна,
ТIебиатдал вегьез нур.
Диде фена ахвариз.
КьепIин тарцел алаз хур.
За лифревай тIалабна,
“Къугъу” ямир, хьухь секин.
Диде юргъун хьанавай,
Ахварава лап дерин.
Кацни кIваляй акъудна,
“Мурмур” тавун паталди.
Пердеярни агудна,
Ишигъ татун паталди.
Зунни къецел экъечIна,
Къужахда зи вах кьуна.
Ахваравай играми
Диде, азиз, тек туна.
Къуй дидеди секиндиз.
Ширин ахвар авурай.
Гъилеризни эркин тир,
Са регьятвал акурай.
Са тIимил вахт алатда,
Уях жеда диде мад.
Утагъдиз рагъ аватна,
Женнет жеда кIвале мад.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.