Перейти к основному содержанию

Жанавур къуллугъдал

Гатун са къуз севре гъана,
Жанавурдиз къуллугъ гана,
Лагьана: “Вун я зи дамах,
Ма куьлегар, ая кIвалах.
Аку, вине кьамир на кьил,
Ахъай тийиз рекьиз са вил.
Килиг, жеда вилик ракьар,
ТIиш-пIуз жеда ахпа кукIвар.
Чир хьухь, къедлай кьулухъди вун
Тирди чIехид гьа и тамун”.
Жанавурдиз лап шад хьана,
Севрен пацуз темен гана,
ЭкъечIна ам яваш къецел,
Къуллугъдин тIвар алаз мецел.
Гьа и къалай башламишна,
Шумудни сад алдатмишна.
Атай кьванбур патав вичин,
Ачух тийиз рахкурна чин.
ТуькIуьр тийиз гьич са кIвалах,
Башламишна ийиз дамах.
Гьа икI йикъар-варцар фена,
Жанавур чIур жезвай гена.
Тагъай кьванбур вичиз даш-баш,
Рахкурзавай илигиз лаш.
Къарикай къуз къведа са сикI,
Жанавурди ханавай рикI.
Ада кIватIна сикIер, вакIар,
Жанавурдиз кьуна ракьар.
Къуллугъдилай хкведайла,
Кьил виневаз къекъведайла,
Жанавурдиз лап гуж хьана,
КIвач ракьара гьатна, хана...

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.