Зи муаллим

Алирза САИДОВАЗ

Жегьил тир зун, сифте патаватайла,
Дидед чIалан паквиликай рахайла,
Ви тарсуник кваз за шиир атIайла,
ЧIехи арха, зи муаллим Алирза.
Лугьудай на: “Герек гьарфни гаф санал
Квай шиирдик хьана кIанда са мана.
Гуьзел рангар, метлебни гьакI дуьз гана”.
ЧIехи арха, зи муаллим Алирза.
Вахтар физва, рехи хьанави дустар,
Хиялрик ква, гъиле кьунави дафтар.
Аквар гьалда, зурбабур тирви къастар,
ЧIехи арха, зи муаллим Алирза.
Эминанни Сулейманан тIварарин
Къвалав гва тIвар, чIехи устадгафарин.
Дамах я вун Лезгистандин балайрин,
ЧIехи арха, зи муаллим Алирза.
Ашукьри ви чIалар тикрар хъийизва,
Билбилрини макьам эзбер ийизва.
Риваятрин сесер гьарнихъ чикIизва,
ЧIехи арха, зи муаллим Алирза.
Вахт тахьанмаз вун арадай акъатна,
Гъам-хажалат, яс зурба чав агатна.
Виже къвенни бес рикIелай алатна,
ЧIехи арха, зи муаллим Алирза?!
Регьим, ашкъи ви цIарарай аквада,
Къе хьиз, чешне яз чи халкьдин арада,
Виш йисара вакай несил рахада,
ЧIехи арха, зи муаллим алирза.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.