Келентер Келентеров

Келентер Келентеров

Келентер Шихкериман хва Келентеров 1933-йисуз КцIар райондин СтIур хуьре дидедиз хьана. 14 йиса аваз хайи хуьряй акъатна, вичин кьисметдихъ гелкъвей Келентер 1950- йисуз Къубадин Педтехникумдиз гьахьнай. Ина жегьил Келентер дуьшуьшдай машгьур шаир Самед Вургъунахъ галаз таниш хьанай ва и карди адаз чIехидиз эсернай. С.Вургъуна ам вичин шаир дустарикай тир Усман Сарывеллидихъ галаз танишарна лагьанай: “И лезгид баладикай мукъаят хьухь, адахъ хъсан къелем ава”. У.Сарывеллиди хьиз Али Керимани жегьилдин уьмуьрда чIехи роль къугъванай ва адаз поэзиядин шегьредиз акъатиз куьмек ганай. 
1954-йисуз Азербайжандин Педагогикадин Институтдиз кьабул хьайи К.Келентерлидин шиирар фад-фад газет ва журналрин чинриз акъатиз башламишна. Адан “Мурад” тIвар алай сифте шиир 1955-йисуз “Эдебият ва инжесенет”  газетда чап хьана.

1963-йисуз шаирдин “Гьуьлуьн манияр” тIвар ганвай сад лагьай ктаб басмадай акъатна. 1964-йисуз  3 агъзур цIарцIикай ибарат тир “Гьуьл ва муьгьуьббат” поэма “Азербайжан” журналда чап хьана. И эсердалди ам машгьур хьана ва критикри Азербайжандин поэзиядиз мад са хъсан шаир атанвайди къейд авуна. “За жуван зурба къурамат жагъурзава” тIвар ганвай адан кьвед лагьай ктабни кIелдайбуру хъсандиз къаршиламишна. Ада Азербай-жандин поэзиядиз цIийи тешпигьар, гекъигунар, рифмаяр гъана.
“Азербайжан генжлери” газетда кIвалахал акъвазай Келентер Келен-терлиди Сабиран тIварунихъ галай ктабханада литературадин кIватIалдиз 8 йисуз регьбервал ганай, алатай асирдин 60-йисарин гзаф жегьил шаирриз кхьиз чирнай.
Адан “Дагълар юза хьана” тIвар ганвай пьеса Мингечевирдин Гьукуматдин Театрди сегьнеламишна.
К.Келентерлидин азербайжан чIалал   “Дагълари заз гулле гурай” тIвар ганвай нубатдин шиирринни поэмайрин ктаб 2000-йисуз чапдай акъатна.
Шаирди лезги чIалал кхьей шиирар Дагъустандин лезги газетринни журналрин чинриз акъатна. 2009-йисуз Бакудин «Азербайжан» чапханади адан лезги чIалал «Къизил хьтин итимар» тIвар ганвай сад лагьай ктаб чапдай акъудна.
Вичин уьмуьр дарвилерани четинвилера фейи шаир дидеди веси авурвал, КцIар райондин Кузун хуьре кучукна.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.