Перейти к основному содержанию

Хиниви Зайнаб

Шаир Зайнаб XII асирдин сад лагьай паюна яшамиш хьана. Ам лезги миллетдик акатзавай хиналугь тайифадин Хин хуьре дидедиз хьана. Бажарагълу руша жегьилзамаз шиирар туькIуьриз ва чуьнгуьрдихъ галаз манияр лугьуз башламишна. Хиниви Зайнабан уьмуьр ва яратмишунар Ширвандин шагь Манучихрдин паб Тамара-ханумахъ галаз алакъалу я. Зайнаба вичин эсерар: шиирар, манияр, рубаияр дидедин, араб ва фарс чIаларал теснифна. Чав агакьнавай рубаийрай аквазвайвал, Зайнабахъ дерин чирвилер ва тагьсил (образование) ава. Ада вичин чIалар, рубаийрин истемишунрал амал авуна (философиядин мана хьун, цIийи-цIийи фикирар лугьун, 1, 2 ва 4 - цIарар рифмада хьун), теснифнава ва абур РагьэкъечIдай патан машгьур шаиррин рубаийрилай са куьнални усал туш. Ширвандин шагь Манучихр кечмиш хьайила, Тамара бубадин ватандиз хъфена. Шаир Зайнабан уьмуьр гьикI куьтягь хьанатIа, малуматар авач.

Акимов Къ. Х. «Лезги зарияр»

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.