Перейти к основному содержанию

Вирибур вичихъ ялдай

Мирзе Гьасан эфенди

Гьажи Абдуллагь эфенди Алкьвадаридин «Мамнун» та­халлус къачунвай хва, алимрин рябетлу регьбер тир жанаби Мирзе Гьасан эфенди чи асирдин  ви­ридалайни сейли шаир ва кхьираг, гьакIни виридалайни гзаф нуфуз авай тарихчи яз гьисабзава. И асуллу касдин «Асари Дагъустан» ктабда гьалтзавай делилри субутзава хьи, ктабдин автор дерин чирвилер ва алакьунар авай гзаф бажарагълу кас я. Чара-чара илимрикай хъсан чирвилер авай адахъ гьакIни къудратлу яратмишунрин талант ава. И ала­кьунар адан гьиссерал звал гъидай иер шииррай чир жезва…
     Жанаби Алкьвадариди четин гьалда авай вичин лезги стхайрин фикирар чIугун дуьшуьшдин кар туш. Авайвал лагьайтIа, лезгияр викIегь, къуччагъ, кIвалахунал рикI алай, алакьунар ва хъсан тербия авай халкь я. Абурун четин гьалари чи рикIериз сад хьиз эсерна кIанзава, чун сад хьиз фикирдик кутуна кIанзава. Абурун савадсузвал терг авуникай чирвилер къачунвай, савадлу, вичихъ меденият авай гьар са касди фикирна кIанзава.
     Кьве йис инлай вилик Тифлисда шигьийрин ва суьннийрин диндин идарайрин кIвалах цIийи къайдада туьхкIуьруьн патал тухвай ижласда зани иштиракзавай. Зун ина гзаф къени инсан тир Мирзе Гьасан эфенди Алкьвадаридихъ галаз гуьруьшмиш хьана. И гьуьрметлу касдихъ лугьуз тежедай кьван рикIиз хуш акунар ва къени къилихар ава. Гьавиляй адан акьуллу вилери, хъвер авай чини патарив гвай вирибур гьасятда вичихъ ялда. А касдин ацукьун-къарагъун, акьуллу ихтилатар виридаз чешне я. Исятда Мирзе Гьасан эфендидин 72 яшар я. Агьил яшда аватIани, адан сагъламвал хъсан я. Чавай хьайитIа, Аллагьдин мергьямат себеб яз ада яргъалди уьмуьр гьалда.

Фирудин бег КУЬЧЕРЛИ
1907-йис.

Редакциядай: Фирудин бег Куьчерлидин архивдиз талукь и материалдай аквазвайвал, Азер­бай­­жандин машгьур камалэгьли ва маарифчиди сифте яз вири Къаф­къаздиз ва РагъэкъечIдай патан уьлквейриз сейли тир лезги алим, шаир ва тарихчи Мирзе Гьа­сан Алкьвадарвидин портрет яратмишнава. Абур кIеви дустар тир. 1904-йисуз Гьасан Алкьва­дар­види Фирудин бег Куьчерлидиз «Фирудин бегдиз» тIвар ганвай шиирдалди 90 цIарцIикай туь­кIуьрнавай чар ракъурнай.

"САМУР" газет

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.