Перейти к основному содержанию

Тек тар

Лугьуда хьи, тама тарни тек тахьуй,
Гьахъ я жеди и гаф лагьай бубаяр.
Анжах, вучиз гуьгьуьл, вун рази туш,
ЧIехибуру эцигнавай тубадал?

Зун ашукь я иервилел, акунрал,
Чуьлда, тама ялгъуз, тек тир  тарарин.
Игитар хьиз хура къваздай, уьмуьрди
Ракъурзавай гараринни харарин.

Тек тар-абур я чуьллерин, уьруьшрин, 
Акъвазнава хиялдавай тават хьиз.
Илагьиди тIебиатдин пак хурал
АкIурнавай иервилин тIаратI хьиз.

Анжах инсан... Инсан ялгъуз тахьурай,
Тай жагъурай рикIиз туьквей гьарадаз.
Пуч я уьмуьр небгетарин къвалал фир,
Текни хъсан ялгъузвилин тIвар алаз.

10.06.2011

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.