Хайи ватандиз

КуькIуьрна вил кьуд патахъди килигна,
Хуш я рикIиз мани лугьун ватандиз.
Илгьамдин цIа чарни къелем гъиликна,
Хайи чилин тIвар чукIурин жагьандиз.
Хуш я рикIиз мани лугьун ватандиз.

Шад манидин ван акъудиз къушари
Саф рикIера ашкъидин цIай курзава.
Хайи элдин гадайрини рушари
ЦIийи салар, цIийи багълар хьурзава.
Саф рикIера ашкъидин цIай курзава.

Чи зегьметдин бегьер аку, бар аку!
Девран-гуьзел, бахтавар я инсанар,
Ашукьдив гвай чуьнгуьр аку, тар аку!
Къвезва чиниз гьар патахъай мугьманар.
Девран-гуьзел, бахтавар я инсанар.

Фикир-азад, гуьгьуьл-шад инсан я зун,
Зи нефесдин ялав, чан я вун, Ватан!
Ви арандал, ви дагъдал гьейран я зун,
Зи шииррин макьам, ван я вун Ватан!
Зи нефесдин ялав, чан я вун, Ватан!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.