Абдул Ражабов

Абдул Ражабов

Шаир ва гьикаятчи Ражабов Абдул Ражабович 1926-йисуз Ахцегь хуьре дидедиз хьана. Ада юкьван школа ва Дагъустандин С. Сулейманан тIварунихъ галай пединститут куьтягьна. Гзаф йисара Кьурагь ва Табасаран районрин школайра муаллимвал, ДАССР-дин просвещенидин министерстводин инспекторвал ва Даградио-комитетдин редакторвал авуна.
А. Ражабова Ватандин ЧIехи дяведа иштиракна, ам гьукуматдин наградайриз лайихлу хьана. А. Ражабова вичин эсерар лезги ва урус чIаларал кхьена. Дагъустандин ва Москвадин чапханайрай А. Ражабован ихьтин ктабар акъатна: "Лацу кIел", "Хуьруьн хва", "Зуьрнедин шехьун", "Вертолет Мегьамед", "Салам, эллер!", "Ирид Мегьамед" ва мсб. Писателдин гзаф эсериз зарафат, хъвер ва сатиpa xac я. Лезги театрди заридин кьве комедия: Ш. Э. Мурадов галаз кхьей "Фундугъбег" ва Я. Яралиев галаз кхьей "Хендедадин мехъер" сегьнеда эцигна.
Заридиз "ДАССР-дин культурадин лайихлу работник" лагьай тIвар гана.
А. Ражабов 1986-йисуз кечмиш хьана, Магьачкъалада кучукнава.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.