Я фахраяр

Буйдин ипри кьамир чIулав епинал,
Уьмуьрдин дад квахьда мичIи рангара.
Жуван кьисмет кхьидай тир кьепIинал,
Гъил-кIвач кIевна туначиртIа тангара.
Ша, тарашчи вахтунин кьил кукIвариз,
Вахтунилай фад жегьилвал тарашай.
Гъил хкажна кьуьлердайла гатфариз
Хъипи хьанвай зулун пешер шабашай.
Ашкъидикай кхьиз хьанач са цIарни
Зи умудрин кьенер рамна чIулавда.
Юзаз тахьуй лугьуз патахъ са чIарни
Туна гьиссер къадагъайрин жилавда.
Я фахраяр, ни мециз тIвал яна зи?
Бахтаварри бахтарикай гафарда.
Ни лугьуда, гьида агъу цана зи,
Муьгьуьббатдин шуьрбет авай кутарда?
Вич мат ама шагь
амачир зи шагьмат
РикIиз кани патахъ элкъвез гарар хьиз,
Азадбур я зи манияр, баядар.
Зи шиирдин цIарар текъвез чилиниз,
Пагь атIана амукьнава сайядар.
Регъуьда, кьил агъузда "эхь" жаваб яз,
Гьарфар чир хуьн гьисабзавай савад яз.
Заз амукьда са азиз тир мурад яз,
Гилани гъил акакь тавур мурадар.
Са аялдин шел атIуда ниниди,
Цуьквер шуьрда са билбилдин маниди.
Сада вичин муьгьуьббатдихъ каниди.
ЧIалахъариз ийида дад-бидадар.
Пайдах, кьил мус вине жеда гьакъунин,
Мус хъуьтуьл жед рикI гьулдандин,
ракьунин?
Чи патахъ мус элкъведа чин ракъинин,
Мус цIрада и муркIадин къаябар?
Баянариз тежез акур аламат,
Вич мат ама шагь амачир зи шагьмат,
Фекьи-фахра амукьнава хьана мат,
Ахъай тежез и тIилсимар, запабар.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.