Дурна

Ша, куьч жемир вун яргъариз
Къалура са гьунар, дурна.
Ашкъ амачир и зи рикI хьиз
Муг тахьурай тар-мар, дурна.
Авачни вахъ са чир-хчир
Уьмуьрдин сир ийидай чир?
Кас авай туш дерт авачир
Деринбур я чIунар, дурна.
Чидачни бес зул авайди,
Зи чанда къай, фул авайди,
Агъзурралди къул авайди
АтIанавай гумар, дурна.
Вун сирнавиз гьавадалла,
Зи кIурукIар къузадалла,
РикI атIудай сузадалла
Хкатзавай тумар, дурна.
Ван текъведай тIадай, кудай,
Хирез кьелев мала гудай,
Садра гудай, цIудра кудай
Уьмуьр я са къумар, дурна.
КандатIа ваз кьин кьан за фал,
Вун залай бахтлуди тирчIал.
Ша, сарара ацатмир кьал.
Чалмир куьгьне сурар, дурна,
Кат жедай туш дердерикай,
КIватIа жуван лувар, дурна.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.