Пародияр

Кьилегь Къудратан "Алверчи папаз"шиирдиз:
                           Кьамал кьуна сумка ац1ай,
                           Гьикьван алвер ийида паб?..
Кьамал кьуна сумка кьац1ай
Гьатда рекье,бес тушни,паб?
Лув гуз фида серятрилай,
Таможнадиз гуз т1ушни,паб!..

Кьилегь Къудратан"Вучдай вуна"шиирдиз:
                             Ви вилериз акунайт1а,
                             Вучдай вуна гьа ч1авуз...
Къудрат халу,заз акурбур,
Къудрат халу,за акьурбур,
Гагь элякьиз,гагь дак1урбур
Акунайт1а,вучдай вуна?

Чин-чиналлаз таб рахарбур,
Крар гвачиз т1аб рахарбур,
Элдин къене чеб беябур,
Акунайт1а,вучдай вуна?

Байрам Салимован "Зи хуьр"шиирдиз:
                       Дуьняда ихьтин хуьр ават1а мад,
                       Къужахда авай Шагьдагъдин рехи...
Ч1ехи шаир,мад авай туш ихьтин хуьр?
Кчан вуча,бес Т1игьиржал,бес Кьуьхуьр?..
Жуван хуьруьн тарифарун герек туш:
Им жезва махуник квай кациз туьш!..

Байрам Салимован"Гьакь-гьисаб"шиирдиз:
                            За дустуниз эверна,
                            Гзаф яргъаз тухвана...
За дустуниз эверна,
Магазиндиз тухвана: 
-Закускани хъвадай зат1
Къачу заз,дуст!-лагьана.

Пер хайи зи дустуни:
-Завай жезвач,-лагьана.
Куьз лагьайт1а аламаз
Инай гузвач,-лагьана.

Асеф Мегьманан"Камар жеда"гъезелдиз:
               Элдин девлет тарашдайбур,квел як алай кьамар жеда,
               Дишегьлийрин гъилерик куь туп1аларни цамар жеда...
Эл маса  гуз экъведайбур,к1аник жеда куь "Мерседес",
Патанд  жеда квез эвлиян,квез герек туш кьили-мирес... 

Сажидин Саидгьасанован"Вун накь вучиз атаначир"шиирдиз:

Суал гузва вуна,шаир:
-Вун накь вучиз атаначир?
-Лап кьан чна, атанвай зун,
Вуч гуз жедай вавай,лагь т1ун?..

Магьсим Магьсимован "Хуьруьз ч1ехид хкягъ"шиирдиз:
 
Магьсим стха,сес гун чна 
Тек са вичихъ къуватдайдаз.
Гайи гафар фад гадарна,
Гьар вад салай ахгатдайдаз!..

Азиз Мирзабегован "Етим хьана Дербент шегьер" шиирдиз:
                     Шаирдин гьар ц1ар, гьар гаф тир ширин шекер,
                    Ам хъфена, етим хьана чи Дербент шегьер...
Хажалатар ч1угвамир на, рик1из кьейи лакарви,
Шаирар мад хъижедайд я, Ватан к1ани лакарви.
Вад агъзур йис хьайи Дербент гьазур жезва сувариз,
Чун-лезгияр алама къе кьве агъзурдал п1увариз...

Эйваз  Марваран "Эрекь маса гузвайдан мани" шиирдиз:
                    Хкудда за ичерикай самагун,
                    Ният я зи хкудайди маса гун...
Хкудда за гьар майвадкай самагун,
Ам хъвайибур жедайвал чеб сад са кьун.
Эхиз тежез, цуру хъап1 къвез кьирай чеб,
Зунни жедай пулар к1ват1из, лап ажеб!..

Билал Адилован "Зи рик1 икьван хамир вуна" шиирдиз:
                   Гуьлуьшан тир ч1ур я зи руьгь, 
                   Ша, къалгъанар цамир вуна...
На къалгъанар цана лугьуз,
Зи руьгь хьана ч1урухъан.
Кал-гамишар гьахьна лугьуз,
Захъ ругь амач гуьлуьшан...

Владик Батманован "Зенгзава за" шиирдиз:
                   Раб-гъал квахьай дерзичи хьиз жезва зун,
                   Вун захъ галаз хъел хьайи гьар береда...
Жегьил гада, квадармир на рабни гъал,
Ярдихъ галаз акъудмир на къалмакъал...