Кьисмет тахьай муьгьуьббат

(дишегьлиди ачухай сир)

Ц1ар галукьай п1инидин тар,
На зи беден къарсурна хьи,
Рик1ел гъана жегьил вахтар,
Дердерин гьуьл юзурна хьи.

Зи к1аниди хуьре амаз,
Зун масадаз гъуьлуьз ганай,
И дердинин т1ал рик1еваз,
Ам эхират к1вализ фенай...

Захъ вил галаз, вилер ахъаз,
А дуьньядиз хъфенай вун,
И кардик рик1 къене дак1ваз,
Лап тухдалди ише(хь)най зун...

Ак1 я хьи заз:ви вилери
Вахт тахьанмаз хутахда зун,
Захъ ц1игел тир ви гъилерив
Кьада эхир къужахда зун...

Четин ч1авуз ви т1вар кьурла,
заз цавари гузва къуват,
Вич лугьумир, чаз тийижиз
Чаз ганвай кьван пак муьгьуьббат!

Багъишламиш, ч1ехи гъуцар!
Багъишламиш, зи масан кас!
Йис хьана кузашкъид мурцар,
Зи гьиссериз янава пас.

Ц1ара ягъай п1инид тарци
Кай(и)бахт рик1ел хкана зи,
Квез за патай, дустар,жегьил,
Рик1ин гьарай хьурай веси.

"Пак муьгьуббат Сад Аллагьдин
Патай ганвай аманат я,
Вахтундамаз адан къадир
Чир тахьун-гуж апамат я..."

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.