Рубаияр

ХьайитIани гъуьргъуь мефтIер уьцIуьриз,
Жедайди туш дуьнья цIийиз туькIуьриз.
Инсанвилин рехъ гадармир, игит хва,
Са гъед хьуй вун, ишигъ чилел куькIуьриз!

* * *
ГалачтIани жуван кьулухъ са чIехи арха,
Рехъ гудай туш за далудлай, зун я зи кавха.
Дагъви я зун, дамарра зи къекъвезва вацIар…
Ватан патал герек чIавуз чанни гуда за.

* * *
Гьайиф къвемир жуван чанни Ватан патал гуз,
Аслан хьана экъечIа вун душмандин хуруз.
Герек чIавуз игитвилел кьиникь хъсан я,
Агъузна кьил, вегьедалди кIвачерик намус.

Комментарии

Ухшар макъалаяр