Перейти к основному содержанию

РикIин тIал

Гьич садрани алудмир на рикIелай,
На заз гайи тIал зи рикIе амукьда.
Анжах вуна нагъв гъиз тахьуй вилерал,
Ам зи рикIихъ са хьел хьана галукьда.

Зи багърийри, хкажна хьиз къуьнерал,
Тухудайла магьфедаваз суруз зун.
Гьар са касди накъвар алаз вилерал,
Авуддайла мидаим яз фуруз зун,

Гьа чIавузни, зи азизди, ширинди,
Ашкъидин тIал, агь, зи рикIяй акъатдач.
Магьрум хьайтIан вун гьиссеркай къизгъин тир,
Зи руьгь вавай гьич садрани къакъатдач.

Зи сураллай пак накьвариз теменар
Гуз атайла, вун шехьмир, чан кIаниди.
Чан аламаз кьисмет тахьай беденар
РикIел хкиз, зун негьмир, чан кIаниди.

Тахсир зид туш, тахсир залум кьисмет я,
Тагай чаз югъ санал жедай уьмуьрда.
Ам кьисмет туш, ам хифет я, зиллет я,
Гьич сурани акъат тийир фикирдай.

Анжах са кар на, азизди, рикIел хуьх,
Зи ашкъидин сагьиб вун тир датIана.
Ваз минет я, зи шикил на гъилел хуьх,
ГьакI килигиз, анжах умуд атIана.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.