Дидедиз

Гьардаз вичин чка ава
Дагълар гьуьлуьв агуд жени?
Заз сифте чIал чирай, диде
Вун рикIелай алуд жени?

Къе алемдиз хьурай аян
Вун зи рикI я, вун я зи чан.
Вуна лагьай лай-лайдин ван
Лагь, рикIивай галуд жени?

Гур ялавра кайитIани,
Женгера зун кьейитIани,
Дуьнья са пад хьайитIани,
Вун зи гъиляй къакъуд жени?

КьепIин кIане фена йифер,
Хьана лацу жив хьиз кифер.
Эй балаяр, дидед кефер
Хана, рикIяй акъуд жени?