Сенгер булах

Кьилел Шагьдин дагълар кьакьан,
ЧIехи Муругъ я ви макан,
Чи магьалра кутуна ван,
Гьиниз я ви сефер булах?
Сенгер булах, Сенгер булах.

Вал ашукь я чи эл-уба,
Дербенд, Муьшкуьр, КцIар, Къуба,
Шуршурдин ван аваз япа,
Ягъда чилиз метIер булах,
Сенгер булах, Сенгер булах.

Ягъиз далдам, зуьрнеяр, тар,
КIватI жез винел свасар, рушар,
Мехъер кIвализ жеда ухшар,
Чрадамаз шишер, булах,
Сенгер булах, Сенгер булах.

Ви винелди чун атана,
Ша, стхаяр женлагьана,
За, Шаира, Мирзехана,
Кьунай ви цел кьинербулах,
Сенгер булах, Сенгер булах.

Агакьзавач къе вав зигъил,
Акъатзава такваз дивил,
Къариб хьанва ви цихъ Апрел
Кьуразава жигер булах,
Сенгер булах, Сенгер булах.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы