Островски кьейила

Юлдашар, Москов шегьердай 
Зал чIуру хабар агакьна. 
РикI зарул яз, вилер ширдай 
ГьакI телеграммар агакьна.

Я мухариж, я мудахил -  
Чизамачиз, квахьна зи кьил. 
Агъудилай артух туькьуьл, 
ТакIан тир ванар агакьна.

Ван хьана заз а агьвалат, 
Акьул завай хьана къакъат, 
Гьелбет, юлдашдин хажалат 
Зал гьакьван санбар агакьна.

Гзаф тадбир авуна за, 
Дердер зи лап хьана таза. 
А юлдашдин гъамни гъусса 
Зал виш пут кьадар агакьна.

Максим Горки чаз играми, 
Ихтилатар рикIиз чими, 
Чи кьве юлдаш хьана кими, 
Зурба тир зарар агакьна.

РикI михьи тир вичин гуьзгуь. 
Дуьньядикай хьана муьскуь, 
Фамил юлдашдин Островски 
Вич Никалай тIвар агакьна.

Эй юлдаш, ваз кIандатIа гьахъ, 
Гьабрун чка на кIевиз яхъ. 
СтIал шаир Сулейманахъ 
Агьни агъузар агакьна.

1936