Шагьбала Шагьбалаев

Гафунин таъсир

За ваз гайи теменар,
ГанайтIа са кIарасдиз.
КIарасдикай жедай тар,
Хкведай ам либасдиз:
Хилел пешер хъжедай,
Адал нуькIвер элкъведай.
Эхир ашкъи кьатIайла,
Шак арадиз атайла,
Лагьана за бикедиз:
“Мегер абур туькIуьнни? -
Ви пIузарар живедин,

Гьеле дяве куьтягь хьанвач

Фикир мийир замана я ислягь лагьана,
Бахтавар я, умунди я чи вахт лагьана.
Эхиримжи алчах душман кукIварна чна,
Рейхстагдин кукIвал тунай пайдах лагьана...
Ваъ, азизбур, гъалатI жемир, жаллатIвилин цуьрц
ХкечIнава вахтуникай - “зи тахт” лагьана.

Зи хайи чил – азад ватан

Зи хайи чил – азад ватан,
Виш йисарин тарих авай,
Чи уьлкведин гьар са пата
Ви рухвайрин тариф ава.

Петроградда – вахъ Мегьамед,
Чукоткада Азиз ава,
Азербайжанда – Къазимегьамед.
Ви карта вуч чlехизава!