Я Алпан-цIай

Я Алпан-цIай, мурад вуч я?
Мус хьана вун мерд, къарагъун?
Халкьариз ви хъендик гуж я,
Эхиз тежер дерт къарагъун!

Вилаят на тунач секин,
Инсанрик на кутуна кин.
Я чи вирт ваз хьанач ширин,
Я тутарин мед, къарагъун.

Мурсал-хан, ви цIикьвед папан
Аялар хьуй вири патан,
Дуьньяда ваз тахьуй масан
Рехъ къалурай гъед, къарагъун!

Утагъар ви хьурай чIулав,
Алпандин цIу ярай ви къав,
Лянетдин кьил мидя тир чав
Алатна хьуй сед, къарагъун!

Амач билбил, безег, сиргъа,
Вилаятда рахаз къаргъа,
АтIуй рикIин кьилин паргъа,
Напак беден бед къарагъун!

Куьчхуьр Саид, гьалал, гьарам
Течир наши а пехъи лам
Майдандал гъваш хтIуниз хам!
Зулумдиз я перт къарагъун.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.