Яргъал рекьиз атана чун

Аставилелд, яваш - яваш 
Яргъал рекьиз атана чун. 
Чи регьбер тир Ленин юлдаш - 
Гьам акваз кIанз, атана чун.

Къизил аскер, гьар са нарком 
Заз мукьва я лап изнаком. 
И юлдашар вири кругом 
Гьа и кIвализ атана чун.

Йифди - югъди аваз рекье, 
Акуна чаз шумуд уьлкве. 
Яшамиш хьуй Максим Горки, 
Вал кьил чIугваз атана чун. 

Душманариз гана гуьлле, 
И азадвал къачур гъиле 
Яшамишрай юлдаш фяле, 
Ваз мугьман яз атана чун.

И юлдашар вири сад хьиз 
Жегьил, таза, са савкьват хьиз, 
Москов шегьердиз съезддиз 
Шаирар яз атана чун.

Куьгьне варцар, куьгьне йисар 
ЦIерид са уна дегишар, 
Ахъайна чаз яру цуьквер, 
Гьа цIийи багъдиз атана чун.

Тергна чна а куьгьне яс, 
АлукIна чи яру либас, 
Чи играми Совет власт - 
дин жегьил къаз атана чун.

Залумарин зулумрикай, 
Хкатна чун зиллетрикай, 
Аватна чун ахварикай 
Къарагъна инз атана чун.

Съезддиз эверай лишан 
Агакьна шад хабардин ван, 
СтIал шаир Сулейманан 
Дуьм - дуьз иниз атана зун.

I934