Дулма уьцiуь авур къари

Рукъия бажи, ваз муькIуьда. 
Гьахьняй на (а)вур дулма кIуьда, 
Ви хзандиз хупI туькIуьда. 
Мад икI кIуь ийимир, къари.

Сенфен йифди яд чIугуна, 
Гичинар кьуд - вад чIугуна, 
За Аллагьдиз дад чIугуна, 
Мад икI кIуь ийимир, къари.

Кьел гъидайдини тир дуьзлах, 
Сиве турла бес уькIуь цагъ. 
Зид таб ятIа, Салигьаз твах. 
Мад икI кIуь ийимир, къари.
..................................................
Кьве тике тIуьрла хьана тух, 
Зур киле кьел хьана артух. 
Мад икI кIуь ийимир, къари.

АтIана хьи на зи аман - 
Са йифиз хьана луз мугьман.
Кумир на фекъир Сулейман, 
Мад икI кIуь ийимир, къари.

I923 - I925