Къавах

Шехьзава вахъ Шалбузни Шагь, 
Пуд СтIалри ийизва агь. 
Авур касдал валди темягь 
Акьалтуй къе чIурар, къавах.

Экуьнин рагъ акьаз пеле, 
Акур кьванбур на гур лепе - 
Гьар са касди вили рипе 
Вегьизва къе накъвар, къавах.

Гьар са тарифдиз тир лайих, 
Шумуд несиларин тарих 
Фена галукьна вахъ къаних 
Нажахни мишерар, къавах. 

Вуч хиял тир вид, я залум, 
Чи чанариз ийиз зулум? 
Сулейманай акъатна гум, 
Кьаз жигерди цIаяр, къавах.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.