Перейти к основному содержанию

Хциз

Зулун югъ хьиз чин "цуру" яз килигиз,
Вуч хьанва ваз, лагь бубадиз, чан зи хва?
Перишанвал кутугзавач лезгидиз,
Зи уьмуьрдин мана-метлеб, хан зи хва!

Т1ебиатдин ч1авар дегиш жедайд я,
Кьуьд ят1ан къе, мадни гатфар къведайд я,
Дердер, гъамар валай яргъаз фидайд я,
Хъсанвилив атурай ви ван, зи хва!

Муьшкуьрвияр са гафунал т1арам я,
Табни нагьахъ крар абруз гьарам я,
Къамат авай гьар игит хва са "чам" я,
Ваз п1ир хьурай чи ватандин къван, зи хва!

Жув цуьк жемир,ада атир ваз гурай,
Вун акурла гуьзелри наз ваз гурай,
Ц1айлапанди вичин къуват ваз гурай,
Ракь хьиз мягькем мегъвуьн таран тан зи хва!

Жуван жуввал рик1елай на алудмир,
Буш гафарив михьи кьил на галудмир,
Илим чира, адакай кьил къакъудмир,
Чир жеда ваз дугъридни яман, зи хва!

Рагъ ак1ана ч1улов цифер атайт1а,
Чарада чи рекьер-хвалар ат1айт1а,
Чи дидейрин вилерал нагъв хтайт1а,
Гумир к1усни душмандиз аман, зи хва!

Чи бубайри хвена чил чаз аманат,
Ийиз тамир чарабурув айгьанат,
Хайи диге хуьх вунани саламат,
Гила вид я женгерин заман, зи хва!

Комментарии

АЛИБЕГОВА ГЮЛН…
07.08.2023

Сагърай чи лезги хакь чи ЛЕЗГИ ХАЛКЬ АЛУД ТАВУРАЙ ВИНИЗ ЖУВ ХАЙИ ДИДЕДИН Ч1АЛ ЧА1АЛ ХУЬХ ЧАН ЖУВАНБУР ЧАН ЛЕЗГИ ХАЛКЬ

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.