Азиз Алем

ЧIагъ хьайи яргъируш

Рагъ акуна живедиз,
ЦIрана ам яд хьана.
Сиве гъвергъвер цуькведин
Гатфарин хуш дад хьана.
 
Бирдан лейсан акадна
Гьар са никIин рикIиз нуш.
Цавун аршдиз акъатна
Наз-дамах гвай яргъируш.
 
Заз кIан хьана яргъалди
Ам цавара амукьна,

Гъили гъил чуьхуьда

Гъили гъил чуьхуьда, гъилерини ччин.
А чIавуз гьар сана жеда вун кIвачин.
А чIавуз буш жедач кьисметдин гичин,
Эцигда гьатта ви кьве къуьнел кьве ччин.
 
Гъили гъил чуьхуьда, гъилерини ччин.
Ацукьмир пIуз жакьваз лугьуз «за вучин»?
АкIура булахдин кьилихъ тар ичин,

Жеда

Муьштери бул гуьрчег рушав наз жеда.
Наз гвай рушан келимайрал цаз жеда.
Цаз акьурла, рикIин перде тIаз жеда.
ТIазвай рикI гваз вун туьнт ички хъваз жеда.
 
Ички хъвазвай гур межлисда саз жеда.
Саз гвай касдин кьилелни кваз хаз жеда.

Векьин кьал капал

Мадни са сур къацу векьи хранва.
Кьейи касдал ччан хкидай векь авач.
А дуьньядиз фидай рекьер ацIанва,
И дуьньядиз хквез жедай рехъ авач.
 
И дуьньядин нур-абур тир инсанар,
Лувар хана, шулу хьанвай береда
Бул жезва, бул мехъерар ваъ, игьсанар,

Зулун марфар

Шавкьинава зулун марфар
Гваз циферин къайи гьарфар.
Теснифзава абурукай
Зани жуван рикIин гафар.
 
РикIин гафар эрзиман тир,
Зи иманни зи аман тир
Чиликай я жув къекъвезвай,
Цавукай я лап кьакьан тир.
 
Лап кьакьан тир ниятар зи

Зи рикI бахтлу вахт

Килигда вири ацIанвай гъилиз.
Къведач са касни кьацIанвай кIвализ.
РикIе жеда кьуьд, дуьнья жеда дар,
ХъуьрейтIани вун такIандаз милиз.
 
КIанда гьар садаз вичихъ хьана бахт.
Вични, лап чIехи. Вуч я шагьдин тахт!
Пакдиз хвейитIа «Инсан» лагьай тIвар,

Им дуьнья я

Им дуьнья я
Сада-садаз фур атIудай,
Фура ттурла, фу атIудай.
Им дуьнья я
Акьахайла кIамбурдал вун,
Дегиш жедай ви зат, ви дун.
Им дуьнья я
Акьуллуди дели жедай,
Делидакай вели жедай.
Им дуьнья я
ХьайитIани уьмуьрлух пак,