Гуьлжагьан Мисриханова

Зи рикIе хьухь

Зун гьуьл я, вун зи лепе хьухь,
Жагъура заз фидай са пад.
Хиял хьана зи рикIе хьухь,
Физ хьайитIа яргъариз мад.
 
Вун чуьл хьурай, зунни цуьквер,
Марф къвайила гуьрчег хьайи.
Селдин хурук ква а рекьер,
Вун хъфейла зун тек хьайи.
 

Геж атана лугьумир

Атанва къе зун ви патав,
Геж атана лугьумир заз.
РикIин къене кузвай ялав
Жувахъ галаз гъанва за ваз!
 
Терез хьанач гъам алцумдай,
Багьна хьанач вав гатIумдай.
Геж я лугьуз рахкурмир зун,
КIан хьайиди са вун я, вун.
 
Къекъведалди сал жигъирра,

Ам зун я

Акъатнава зун яргъариз,
Захъ вил жемир ви.
Сефил хьайла, хкваш рикIел
Заз на гайи кьин.
 
Хатадай хьиз гар атана,
ГатайтIа дакIар,
Ам зун я ви патав атай,
Закай гуз хабар.
 
АватайтIа ви дакIардин
Гуьзгуьдал стIал,

Геж атана...

Атанва къе зун ви патав,
Геж атана лугьумир заз.
РикIин къене кузвай ялав
Жувахъ галаз гъанва за ваз.

Терез хьанач гъам алцумдай,
Багьна хьанач вав гатIумдай.
Геж я лугьуз, рахкурмир зун,
КIан хьайиди са вун я, вун.