Гьикl фида

Дидедин тlал, хер рикlелай фин тийиз,
Гагь-гагь адан руьгьдиз шадвал гъин тийиз.
Бубадин сур алай чка чин тийиз,
Дердер туна а дуьнйадиз гьикl фида?

Гьич садазни писвал, фитне тийизвай,
Авазралди рикlер экуь ийизвай.
Хайи халкьдин кьисметдикай кхьизвай,
Бендер туна а дуьнйадиз гьикl фида?

Халкьдин садвал, асайишвал такурла,
Жуван чилин бегьер гьалал тавурла,
Зи накьвадал хьанвай сергьят акурла,
Сенгер туна а дуьнйадиз гьикl фида?