Кьил эцигин ви метерал...

Яхъ вуна зун мад къужахда аял хьиз,
Кьил эцигин ви метерал , чан диде,
Хкин рикIел  фейи йисар    хиял хьиз
Атурай  заз мад ви  ширин  ван диде…

Лагь вуна заз  баядар гьа эвел хьиз
Са легьзеда  байихун жув кьепIина,
Давамара акъваз туна эчигъиз,
ГьатайтIани зун  тангарин  епина.

ГьикI хвешидай  зун мектебдиз фид чIавуз
Сифте сифте  дафтар- ктаб гъилеваз
Дамахдай на  заз килигиз   гьар юкъуз
Хкведайла  зун чирвилер  кьилеваз...

Лугьудай  на  фимир кьвалин кикерик,
Хуьдай на зун къадарикай  икI   диде
Хкведалди  недай хьи ви  рикIи рикI
Зун са патахъ фейи чIавуз , гьикI    диде...

Вахт  атана  , зун кIваливай къакъатна
Девирди  икI   валай яргъаз акъудна,
Четин чIавуз  хиялрай вав  агатна
Кьисметдивай за жуван  пай къакъудна.

Эхь , хьанава зи уьмуьрдин зур гила,
Йисар  физва  кьили   къирав къаз диде,
Мукьвал жезва яваш -яваш гур гила ,
На  зегьметар  гьалал ая   заз диде….

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.