Гьикьван гур тир чи ашкъидин булахар

Заз   акI   жедай  рагъ куь  патай  атай хьиз,
Сад    лагьана   чанда  ялав   гьатай хьиз,
И  муьгьуьббат   гьар са касди кьатIай хьиз
Вун заз мукьвал хьайи чIавуз   ,kIаниди.

Цуьк   ахъайна    халича  тир   яйлахар,
Гъерида хьиз фидай крар ,  кIвалахар,
Гьикьван гур тир   чи ашкъидин булахар
Вун зи патав гвайи    чIавуз, кIаниди.

Къумлухрикай заз  бегьер квай сал хьанай,
Хвешивиляй  зун ви вилик лал хьанай,
Белкини чаз гьа легьзеда чIал хьанай
Вуна   заз   гаф   гайи   чIавуз,   каниди ?

Яргъал фенач  ,бахтунин цуьк   кьурана,
Шербетдикай зегьер хьана    курана,
Къухъвана зун  ,   алугна зун,  цIрана
Чаравили    кайи   чIавуз ,кIаниди….

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.