Эхь, кIанда заз

Гьикьван кьада хабарар?
Ийизвач за тапарар.
Эхь, кIанда ам, заз кIанда,
Эзберда мад сеферда.
АгъазвачтIа, кьейила,
Кьил тура зи кеферда.
Ам зи рагъни, варзни я,
Цава авай гъетерни.
Квез жавабар гудай кьван
Ифизва зи туьтерни.
Мад сивяй гаф акъуддач,
РикIе хуьда сир жуван.
Фу квадардач садрани
Адахъ галаз тIуьр жуван.
КIанда, мад квез амани
Суалар заз вахкудай?
Икрамзава за йикъаз
Чун сад-садав агудай.
Гьикьван хьурай суалар
Жавабрин са жуьредин?
Зун са гаф гвай итим я,
Векилни я Куьредин.
Кьадарсуз зун къе шад я,
Ам захъ авайди сад я.
Шагьабудин я зи тIвар,
Герек туш заз мад папар