Ава са ери

Ар ядач вечре,
Ламрани - къакъра,
Кал фидач гъуьрчез,
КIарас неч чIагъра.
Дуьньядал гьардаз
Ава са ери,
Течидай кардач,
КIвалахда жери.
КIамашдизни кваз
Чида гьахъни таб,
Алахъда ам кьаз
Гъилера ктаб,
Вичиз хас тегьер
Гъавурда гьатда,
Акьулсузвиляй
Жизви акъатда.
Вун я виридаз
Чирвилин чешме,
Дуьньядин крар
КьатIунин уьлчме.
Лагь ви гаф, шаир,
Кхьихь чIал магьир.