Вун девирдиз килигмир, девран кицІин йикъава,
Гьам алим, гьам савадсуз инсан кицІин йикъава.
Баба ПУЬНГЬАН Къвалаз кицІ ягъайбуру девран и гьалда тунва,
КицІелай кьацІайбуру инсан и гьалда тунва.
Девир гьахъсуз хьайила инсанар ажуз жеда,
Усалбуру гьам жин, гьам шейтІан и гьалда тунва.
Ханумрин лацу чинар чІулав хьанва къе михьиз,
Инсафсуз “гъуьрчехъанри” жейран и гьалда тунва.
Кьиле лам хьайи чІавуз карван фида къалгъанрихъ,
Хак акъатай ламари карван и гьалда тунва.
Майдандал гаф лугьудай мецер михьиз атІанва,
ЧІулав, ясар пехъери майдан и гьалда тунва.
Мягьтел жезмач зун гила заманадин уюнрал,
Ада гьам дуст ва гьакІни душман и гьалда тунва.
Азиз, гзаф рахамир, жуван сивиз къай гумир,
Дуьньяди вичин гьар са мугьман и гьалда тунва.
28.02.2015
Добавить комментарий