Лезги руш

Гатфар я вун гуьлуьшан,
Ийимир зун перишан.
КIанда рикIиз гьамиша
Заз лезги руш, лезги руш.

ПРИПЕВ:
ЭкъечIа вун зи вилик,
Я лезги руш, лезги руш,
Муьгьуьббатни зи назик
Гуда за ваз, лезги руш.

Пакаман сегьер я вун,
Чи чилин бегьер я вун,
Зи вилин эквер я вун,
Чан лезги руш, лезги руш.

Вун хиял я зи рикIин,
Ахвар я вун зи ширин,
Цуьк я вун зи уьмуьрдин,
Гафар ширин, лезги руш.

Ширин рахаз, ийиз хъвер,
Вуч гуьзел я ви вилер.
Акуна къешенгвилер
А ваз авай, лезги руш.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.