Хъфизва куьн дурнаяр

Хъфизва куьн цIиргъинаваз дурнаяр,
Хъсан рехъ квез, саламатрай рекьера!
Хъфизва куьн яргъал, чими дигейриз,
Чун вердиш я уьмуьр гьализ мекьера!

Чилин гьалдиз кьакьанрилай килиг куьн,
Пайгардиз вач цаварилай гум галай.
Хъвамир ятар вирерилай, вацIарлай,
Дяведин дад, агъу галай, хъуьм галай...

Физва цавай налагь , десте гуьзелрин,
"Сагърай!" лугьур ванералди илигиз.
Туш рикI секин дуьняд гьалар акваз заз,
Амазма зун куь гуьгъуьна килигиз...

"Вуч хъсан тир, хъфизвайди зи элдин 
Гъамар тиртIа къалгъуннавай хтар хьиз..."
Вучиз ятIа физва хиял зи рикIяй,
Налагь ибур татай зулар, гатар хьиз...

11.09.2013

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.