Магьиредин ван хьайила

К1анибурун рик1ерай ашкъ алахьда,
Магьиредин мехмер хьтин ван хьайила!
Дуьняд винел ракъини нур алахда
Магьиредин мермер хьтин ван хьайила!

Чуьлда жейран татабар жез къекъведа,
Гьейран хьана рехъ какахьна элкъведа,
Гъуьрчехъандиз гъуьрч акуна шел къведа
Магьиредин гевгьер хьтин ван хьайила!

Сад лагьай ашкъ рик1ел хквез ишеда,
Кьисмет тахьай ярдик къени къвекъведа,
Йисар фейт1ан, йифиз-юкъуз куьчеда
Магьиредин кевсер хьтин ван хьайила!

Ширин вирт хьиз жеда чуьлда мараяр,
Шух таватрив ац1уда и талаяр,
Абрун патав илифда зи хиялар
Магьиредин темен хьтин ван хьайила!

Шагьвардин ни къведа пехъи гарцикай,
Цуьквер жеда гьар камунал къванцикай,
Билбилдиз хъел къведа вичин ванцикай
Магьиредин мехмер хьтин ван хьайила!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.